Мансабдор шахслар нодавлат болалар боғчалари учун бинолар беришда қонунчилик нотўғри талқин этилишига йўл қўймоқда. Бу ҳақда Мактабгача таълим вазирлиги матбуот хизмати маълум қилди, деб хабар беради «Газета.uz».
Хусусан, тўлақонли фаолият кўрсатаётган мактабгача таълим муассасаларини хусусийлаштириш ва тадбиркорларга бериш ҳолатлари учрамоқда.
«Зарур шароитлар яратилган ва тарбияланувчилар сони белгиланган меъёрларга тўғри келадиган болалар боғчаларини хусусий сектор вакилларига нол қийматида берилиши таълим-тарбия жараёнида узилишларга олиб келади ва молиявий муаммолар туғдиради», — дейилади матбуот хизмати хабарида.
Шу муносабат билан, фақат етарлича моддий-техник базага эга бўлмаган мактабгача таълим муассасалари хусусийлаштирилиши ёки тадбиркорларга берилиши, бу жараён вазирлик билан расман келишгандан сўнг амалга оширилиши эслатиб ўтилди.
Изоҳ (0)