Туркия Бош штаби Суриянинг Африн минтақасида «Зайтун новдаси» номли операция бошланганини эълон қилди. CNN Turk маълумотларига кўра, минтақага дастлабки авиазарбалар берилган.
«Туркия Қуролли кучлари Сурия шимоли-ғарбида барқарорлик ва хавфсизликни таъминлаш мақсадида ҳарбий операция бошлади», — дейилади Бош штаб баёнотида. «РБК»нинг қўшимча қилишича, жанговар ҳаракатлар Тошкент вақти билан 19:00 да бошланган.
CNN Turk маълумотига кўра, 20 январь куни кундузи Туркиянинг Сурия билан чегарадош Хатай вилоятида, Райҳонли ва Кирикхан туманларида ҳарбий самолётлар пайдо бўлган. Самолётлар чегарани кесиб ўтганидан кўп ўтмай Афринни «снарядларнинг портлаш овозлари» тутган.
Авиазарба берилаётган ҳудуддан видеоёзувлар Twitter’да эълон қилинмоқда.
https://twitter.com/mutludc/status/954728436492365824
Туркия «Халқ ўзини ўзи мудофаа қилиш кучари» бўлинмалари ва «Демократик иттифоқ» партиясига мансуб курдларнинг марраларига зарбалар бермоқда. Шу билан бирга, Дамашққа нисбатан мухолиф кайфиятдаги «Сурия озодлик армияси» ҳам курдларга қарши юриш бошлаган (расмий Анқара Суриядаги ўз ҳаракатларини айнан шу «армия» билан мувофиқлаштириб туради).
Аввалроқ Туркия президенти мамлакат қуролли кучлари Африндаги курд жанговар бўлинмаларига қарши аксилтеррор операциясини «амалда бошлаб бўлгани»ни маълум қилган эди.
Изоҳ (0)