Янги француз ошхонасининг асосчиси Поль Бокюз вафот этди

Янги француз ошхонасининг асосчи деб ҳисобланадиган франциялик ошпаз Поль Бокюз вафот этди. Meduza’нинг хабар беришича, у 91 ёшда эди.

«Месье Пол Франциянинг ўзи эди», — деди Франция ички ишлар вазири Жерар Коллон. Франция президенти Эммануэль Макрон эса мамлакатнинг барча ошпазлари ҳозир «ўз ошхоналарида йиғлаётганликлари»ни маълум қилди.

Paul Bocuse est mort, la Gastronomie est en deuil.
Monsieur Paul, c’était la France. Simplicité & générosité. Excellence & art de vivre.
Le pape des gastronomes nous quitte. Puissent nos chefs, à Lyon, comme aux quatre coins du monde, longtemps cultiver les fruits de sa passion. pic.twitter.com/XI0ozzzGJK

— Gérard Collomb (@gerardcollomb) January 20, 2018

1960 йиллардан бошлаб танқидчилар эътиборига тушган янги француз ошхонаси таом тайёрлашда оддийликка интилиши, унда мавсумий маҳсулотлардан фойдаланилиши, шунингдек, тузаш (сервировка)га алоҳида эътибор қаратиши билан ажралиб туради. Бу йўналиш жаҳон кулинариясидаги энг нуфузлиларидан бирига айланган; Бокюз эса мазкур йўналишнинг асосий вакилларидан бири саналарди.

AFP’нинг ёзишича, Поль Бокюз 40 йилдан зиёд вақт давомида Michelin журналининг энг юқори — уч юлдузини қўлга киритиб турган франциялик ягона шеф-ошпаз эди. У 1975 йили Фахрий легион ордени билан тақдирланган.