Лондон полицияси British Airways авиакомпаниясининг маст учувчисини парвозга бир неча дақиқа қолганида қўлга олди. Бу ҳақда, Daily Mail’га таяниб, «РИА Новости» хабар берди.
Маълумотларга кўра, нохуш ҳодиса Гетвик аэропортидан Маврикияга учишга тайёрланаётган рейсида содир бўлган.
Йўловчилар учувчидан спиртли ичимликнинг ҳиди келаётганини пайқаб қолган ва полицияга қўнғироқ қилган. Ҳуқуқ-тартибот ходимлари дарҳол етиб келиб, учувчини қўлга олган.
Самолёт 2,5 соатга ушланиб қолганлиги сабаб 300 нафар йўловчи 19 январь, жума кунги рейс билан учишга мажбур бўлган. 11 соатлик парвоздан сўнг йўловчилар оролга муваффақиятли етиб олгани айтилмоқда.
Изоҳ (0)