Ўзбекистон давлат жаҳон тиллари университети халқаро журналистика факультети профессор-ўқитувчилари Ҳиндистон оммавий коммуникация институтида дунёнинг ўн олти мамлакатидан келган ёш журналист-тадқиқотчилари учун Ўзбекистон ОАВ ҳақида очиқ дарс ўтказди, деб хабар беради «Халқ сўзи» газетаси.
Унда ўзбекистонлик профессор-ўқитувчилар Ўзбекистон Президенти Шавкат Мирзиёев ташаббуси билан журналистика таълими соҳасида амалга оширилаётган ўзгаришлар, янгиликлар ҳақида батафсил маълумот берди.
Хусусан, улар жаҳон медиа маконини Ўзбекистон ҳақидаги ижтимоий, сиёсий, иқтисодий, маданий-маърифий, тарихий маълумотлар билан янада бойитишга кўпроқ урғу берди. Жумладан, ана шу медиа маконда фаолият олиб борувчи кадрларни етиштиришга мўлжалланган янги — журналистика ва оммавий коммуникация воситалари университети ҳақида ҳам мулоҳазалар билдирилди. Шундан сўнг журналист-тадқиқотчиларни қизиқтирган саволларга атрофлича жавоб берилди.
Мен интернетдан Ўзбекистон ҳақида ахборот излаганимда, унинг дунё цивилизациясига, хусусан, ислом маданиятига қўшган ҳиссаси ҳақида ўқиб ҳайратландим. Ал Бухорий, Хоразмий, Беруний, Замахшарий каби сиймолар номларининг ўзи бу мамлакат салоҳиятининг қанчалик юқори эканлигидан далолат беради. Масалан, Хоразмийнинг ҳозирги замонавий ахборот коммуникация технологияларининг асосчиси эканлигини энди билдим. Бугунги машғулотдан сўнг Ўзбекистон ҳақида биринчи мақоламни ёзишга қарор қилдим.Очиқ машғулот якунида хорижлик журналист-тадқиқотчилар ўз мамлакатларидаги ОАВда Ўзбекистон ҳақида мақолалар бериб боришни, ЎзДЖТУ профессор-ўқитувчилари уларга бу масалада ахборий кўмак бериб боришига келишиб олди.Рим Аҳмад, суриялик журналист
Изоҳ (0)