15 январь куни рўйхатга олиш ниҳоясига етган Қуръон мусобақасида 5366 киши, хусусан 3263 нафар эркак, 2103 нафар аёл иштирок этди. Бу ёш чеклови билан олинган кўрсаткичдир. Яъни 18 дан 40 ёшгача бўлган қори ва қорияларнинг сони шунчани ташкил этди, деб хабар беради Ўзбекистон мусулмонлари идораси матбуот хизмати.
Қуръон мусобақасида иштирок этган қорилар сони бўйича умумий ҳисобда Фарғона вилояти биринчи ўринни эгаллади. Мазкур вилоятдан 1237 нафар мураттаб ва мужаввид қори мусобақада иштирок этган. Андижон вилоятидан 1182 нафар қори мусобақада қатнашди. Вилоят умумий ҳисобда иккинчи ўринни эгаллади.
«Фарғона вилояти 219 ҳисоб билан энг кўп мураттаб қори бўйича ҳам биринчи ўринда турибди. Андижон вилояти бу борада ҳам 174 иштирокчи билан иккинчи ўринда. Аммо Андижон ҳифз йўналишида 18 ёшдан 40 ёшгача бўлган қорилар ичида 74 ҳисоб билан ҳаммадан олдинда. Мураттаб қориялар бўйича Тошкент шаҳри ва Наманган вилояти 8 та ҳисоб билан биринчи ўринда, Сурхондарё ва Тошкент вилояти 7 ҳисоби билан иккинчи ўринда турибди», — дейилади хабарда.
Изоҳ (0)