ЎФФ президенти Умид Аҳмаджонов Фарғонага ташриф буюриб, маҳаллий футбол ва унинг бугунги ҳолати билан яқиндан танишди. Вилоят футбол федерациясига ташриф буюриб, унинг ҳолати ўрганилгач, мамлакат футболи раҳбари шу ернинг ўзида анжуман ташкил қилишга қарор қилди.
Фотогалерея: Умид Аҳмаджонов водийда. У ҳоким билан учрашиб, Фарғона футболи келажаги ҳақида суҳбатлашди
Анжуманда ОАВ вакиллари ҳам иштирок этди. Шунингдек, Наманган ҳамда Андижон вилояти футболининг раҳбарияти ҳам унда қатнашди.Водий аҳли футболни жуда севади. Бу ерда жонкуяр мухлислар кўп. Уларни ва умуман халқимизни хурсанд қилиш учун асдойдил меҳнат қилишимиз керак. Биз кўзи ёниб турган, футбол ривожи учун ҳалол ишлашга тайёр инсонларни ишга олишимиз лозим.Ҳозир «Олтин водий» дастури бўйича иш бошланмоқда. Режага кўра, бу йил Ўзбекистонда 1000 га яқин мусобақа ўтказамиз. Шулардан 600 таси водий чекига тушади. Фарғонанинг ўзида болалар ва ўсмирлар ўртасида 200 га яқин мусобақа ўтказмоқчимиз.
Шундай экан, футбол мактабларига қабуллар шаффоф тарзда ўтиши шарт. Уларда бизнинг масъул ходимлар албатта иштирок этади. ОАВ ҳам қабул жараёнини кенг ёритиб бориши мумкин.
Умид Аҳмаджонов, ЎФФ президенти
Ташкилот раҳбарининг қайд этиб ўтишича, бундан буён мураббий ва ҳакамлар малакаси ошиб боришини ЎФФнинг ўзи назорат қилади ва бу борада мутахассислардан ёрдамини аямайди.
Фарғонада мураббийлар ва ҳакамларни тайёрлаш масаласига жиддий ёндашамиз. Энди ЎФФ уларнинг савиясини ошириш бўйича семинарларнинг барча харажатларини қоплаб беради. Бу истеъдоди бўла туриб, молиявий ҳолати сабаб лицензия ололмай юрган мутахассислар учун яхши имконият.Ташкилот раҳбари водийда футбол байрамлари уютириш режаси бор экани ҳақида айтиб, Ўзбекистон олимпия термаси иштирокидаги халқаро ўртоқлик ўйинларига минтақадаги стадионлар мезбонлик қилиши мумкинлигига алоҳида урғу берган.Умид Аҳмаджонов, ЎФФ президенти
Изоҳ (0)