Ўзбекистон Президенти матбуот хизмати 12 январдан тизимли равишда матбуот анжуманларини ўтказишни йўлга қўйди. Бу ҳақда Президент матбуот котиби Комил Алламжонов 12 январь куни бўлиб ўтган илк матбуот анжумани очилишида маълум қилди.
Бугундан бошлаб Ўзбекистон Президентининг матбуот хизмати томонидан, Давлат раҳбари Шавкат Мирзиёевнинг «Халқ давлат идораларига эмас, давлат идоралари халқимизга хизмат қилиши керак» ғояси асосида, давлат ва жамият ҳаётига оид долзарб масалалар юзасидан тизимли равишда матбуот анжумани ва брифинглар ўтказилиши йўлга қўйилмоқда.Президент матбуот хизмати томонидан ташкил этилган биринчи матбуот анжуманида бош вазир ўринбосари Суҳроб Холмуродов чиқиш қилмоқда. Анжуманни Президент матбуот хизматининг Facebook’даги саҳифасида ва «Ўзбекистон 24» телеканали орқали жонли эфирда намойиш этилмоқда.Ҳар бир вазирлик ва идоранинг раҳбарлари, уларнинг матбуот котиблари мана шу ерда Президент томонидан қабул қилинган қарор, фармон, ҳужжатлар асосида матбуот анжуманлари ўтказади.
Комил Алламжонов, Президент матбуот котиби
Изоҳ (0)