Ўзбекистонда «истеъмол савати» ва «кун кечириш учун зарур миқдор» тушунчалари жорий қилинади, шунингдек, уларни ҳисоблаш таснифлари аниқланади, деб хабар беради «Газета.uz».
Мазкур атамаларнинг жорий этилиши кенг жамоатчилик муҳокамасига қўйилган 2018 йилги Давлат дастури лойиҳасида кўзда тутилган. Ташаббус 1 июлгача амалга татбиқ этилиши режалаштирилмоқда.
«Аҳолининг муносиб турмуш тарзи учун зарур бўлган даромадни аниқлаш учун «истеъмол савати» ва «кун кечириш учун зарур миқдор» тушунчалари билан боғлиқ муносабатларни ҳуқуқий тартибга солиш таъминланган бўлиши зарур», — дейилади хабарда.
Қайд этилишича, мазкур тушунчаларнинг истеъмолга киритилиши аҳоли реал даромадлари, ойлик маош, пенсия, ижтимоий нафақа ва бошқа тўловлар миқдорининг «истеъмол савати» ва «кун кечириш учун зарур миқдор» билан мутаносиблигини таъминлашга хизмат қилади.
Изоҳ (0)