Футбол бўйича Италия А сериясининг 2-давра ўйинлари бошланди. «Интер» ва «Рома»ни инобатга олмаганда, қолган етакчилар 20-турни муваффақиятли якунлашга эришди.
Спалетти бошчилик қилаётган «Интер» кетма-кет беш ўйиндан буён рақибларини таслим қила олаётгани йўқ. Бу сафар миланлик футболчилар Флоренсиядаги ўйиннинг сўнгги дақиқасида ғалабани қўлдан чиқарди.
«Рома» эса турнинг марказий ўйинида «Аталанта»дан 45 дақиқа давомида 1 та кўп ўйнаб, якунда барибир мағлуб бўлди. «Аталанта» янги йил арафасида Неаполда «Наполи»ни енгиб, Италия Кубогининг ярим финалига йўл олганди. Энди эса А серияда етакчилар «қонини ичишни» бошлашди. Мазкур клуб Европа Лигасида «Эвертон», «Лион» кабилардан устун бўла олганди.
«Милан» учун 2018 йил омадли старт олди. Мавсум бошида «Ювентус»дан сотиб олинган ва жамоа сардорига айлантирилган Леонардо Бонуччи миланликлар сафидаги дебют голини уриб, жамоасига 3 очко келтирди.
«Лацио» сафида эса Чиро Иммобиле 4 та гол уришнинг уддасидан чиқа олди. Натижада у 18 та ўйиндаги 20 та голи билан тўпурарлар пойгасида пешқадам бўлиб олди. «Интер»нинг аргентиналик ҳужумчиси Мауро Икарди эса 20 та ўйинда 18 та гол уришга эришиб, иккинчи бўлиб турибди.
Мазкур турда А сериянинг икки пешқадами — «Наполи» ва «Ювентус» навбатдаги ғалабаларни қўлга киритди. Шу билан А серия клублари 21 январга қадар танаффусга чиқиб кетади.
Италия А серияси 20-тур ўйинлари 6 январь, шанба
«Фиорентина» — «Интер» 1:1
Голлар: Мауро Икарди, 55 (0:1). Жованни Симеоне, 91+ (1:1).«Торино» — «Болонья» 3:0
Голлар: Лоренцо Де Сильвестри, 39 (1:0). Мбайе Ньянг, 53 (2:0). Яго, 85 (3:0).Ноаниқ пенальти: Эрик Пульгар, 50 (Б).«Беневенто» — «Сампдория» 3:2
Голлар: Жанлука Капрари, 46+ (0:1). Массимо Кода, 69 (1:1). Массимо Кода, 84 (2:1). Энрико Бриньола, 91+ (3:1). Давид Ковнацки, 95+ (3:2).Четлатиш: Жакопо Сала, 83 (С).«Спал» — «Лацио» 2:5
Голлар: Луис Альберто, 5 (0:1). Мирко Антенуччи, 8-пен (1:1). Чиро Иммобиле, 19 (1:2). Чиро Иммобиле, 26 (1:3). Мирко Антенуччи, 31 (2:3). Чиро Иммобиле, 41 (2:4). Чиро Иммобиле, 51 (2:5).«Наполи» — «Верона» 2:0
Голлар: Калиду Кулибали, 66 (1:0). Хосе Кальехон, 78 (2:0).«Милан» — «Кротоне» 1:0
Гол: Леонардо Бонуччи, 54 (1:0).«Рома» — «Аталанта» 1:2
Голлар: Андреас Корнелиус, 14 (0:1). Мартен де Роон, 19 (0:2). Эдин Жеко, 56 (1:2).Четлатиш: Мартен де Роон, 45 (А).«Кальяри» — «Ювентус» 0:1
Гол: Федерико Бернардески, 74 (0:1).
Изоҳ (0)