Америкалик продюсер Харви Вайнштейннинг ўз номи билан аталувчи компанияси яқин вақт ичида 500 миллион долларга сотилиши мумкин, деб ёзмоқда «РИА Новости».
Бу сумманинг ярми Weinstein Co қарзлари учун жавобгарликни қабул қилувчи ҳисоб рақамга ўтади. Хабарга кўра, компанияни қўллаб-қувватлаш ва харажатларни тўлашни, шунингдек, юридик ишлар билан боғлиқ харажатларни ҳисобга олганда компаниянинг айни пайтдаги эгалари ҳеч қандай даромад олмайди.
Октябрь ойида АҚШда бир қатор актрисалар, хусусан, Анжелина Жоли ва Гвинет Петроу продюсер Харви Вайнштейнни жинсий тегажоқликда айблаган. Шундан сўнг у ўзи асос солган компаниядан бўшатилган ва бир қатор касбий жамиятлардан четлатилган.
Изоҳ (0)