Австралиялик актриса Кейт Бланшетт шу йил май ойида бўлиб ўтадиган 71-Канн кинофестивали ҳайъатини бошқаради. Бу ҳақда нуфузли кинокўрик ташкилотчилари маълум қилди, деб хабар беради «ТАСС».
48 ёшли актриса фестиваль ҳайъатини бошқарадиган ўн иккинчи аёл бўлади. Охирги бор раис креслосини 4 йил аввал Янги Зеландия вакили, режиссёр, сценарийнавис ва адиба Жейн Кэмпион эгаллаганди.
«Кўп йиллардан бери Каннга актриса, продюсер сифатида, гала-кечалар ва танлов сессиялари, кино бозорида иштирок этиш учун келаман. Энди ушбу буюк фестиваль ҳайъатини бошқариш насиб этмоқда. Бунга бажонидил киришаман», — деди Бланшетт.
Изоҳ (0)