HBO телеканали «Тахтлар ўйини» (Game of Thrones) сериалининг 8-мавсуми 2019 йилда чиқишини расман эълон қилди, деб хабар беради «ТАСС».
«Саккизинчи ва якунловчи мавсумнинг олтита қисми 2019 йилда экранларга қайтади», — дейилади телеканал хабарида.
HBO маълумотларига кўра, финал мавсумининг режиссёрлари анъанага кўра Дэвид Бениофф, Дэн Уайсс, Мигел Сапочник ва Дэвид Наттерлар бўлади.
Аввалроқ, «Тахтлар ўйини»да Санса Cтарк образини яратган актриса Софи Тернер сериалнинг саккизинчи мавсуми 2019 йилда чиқишини маълум қилган эди.
Сериал еттинчи мавсумининг сўнгги қисми 2017 йилнинг 27 августида чиққан эди. У сериал тарихидаги энг оммабоп қисм бўлди.
Изоҳ (0)