«Юлдузлар жанги» франшизасига мансуб янги фильмларнинг жаҳон прокатидаги умумий касса йиғимлари 4 миллиард долларлик кўрсаткичдан ошди. Бу ҳақда The Hollywood Reporter хабар бермоқда.
2012 йили The Walt Disney компанияси Lucasfilm студиясини сотиб олиш учун салкам шунча (4,06 миллиард доллар) пул тўлаган эди.
Шундай қилиб, агар фильмларни ишлаб чиқариш ва уларнинг рекламаси учун сарфланган маблағларни ҳисобга олмаса, учта фильм («Юлдузлар жанги: Кучнинг уйғониши», «Қайтмас Биринчи: Юлдузлар жанги ҳикояси» ва «Юлдузлар жанги: Сўнгги жедайлар») билан Disney’нинг харажатлари қопланди.
Айни вақтда, бунда франшиза билан боғлиқ сувенир маҳсулотлари ва мавзули парклардаги аттракционларнинг чипта сотувлари, шунингдек, бошқа кўрсаткичлар бўйича тушган даромадлар ҳисобга олинмаган.
Изоҳ (0)