Nyu-York politsiyasi Gollivud prodyuseri Xarvi Vaynshteynga qarshi surishtiruv boshladi. Meduza’ning AFP’ga asoslanib ma’lum qilishicha, ish 2004-yili sodir bo‘lgan voqealarga daxldor.

Xarvi Vaynshteyn. Foto: BBC

Aktrisa Lyusiya Evans The New Yorker gazetasiga bergan intervyusida 2004-yili Vaynshteyn uni jinsiy axloqsizlikka majburlaganini aytgan edi. Evansga ko‘ra, bu voqea prodyuserning ofisida ro‘y bergan.

O‘z navbatida, oktabr oyi boshida The New York Times va The New Yorker nashlari Xarvi Vaynshteyn ko‘plab Gollivud aktrisalariga nisbatan tegajog‘liq qilgani haqida yozib chiqqan edi. Prodyuserga nisbatan Gvinet Peltrou, Anjelina Joli, Rozanna Arkett, Aziya Arjento va Mira Sorvino kabi aktrisalar ayblov ilgari surdi.