Россия Федерацияси президенти Владимир Путин Ўзбекистон Республикаси Президенти Шавкат Мирзиёевни кириб келаётган 2018 йил билан қутлади. Бу ҳақда Россия президенти матбуот хизмати сайтида айтилади.
Шавкат Мирзиёевга йўналтирилган мактубда Владимир Путин ҳамкорликдаги ҳаракатлар шарофати билан ўтиб бораётган йил Россия ва Ўзбекистон ўртасидаги алоқалар учун муваффақиятли бўлганини таъкидлади: кўплаб соҳаларда икки томонлама ҳамкорликни сифатли янги босқичга олиб чиқувчи қатор муҳим битимлар имзоланди.
Россия президенти ишонч билдиришича, эришилган ютуқларга таянган ҳолда, Россия-Ўзбекистон стратегик шериклигини ва иттифоқдошлигини янада ривожлантиришни таъминлашга, шунингдек, Марказий Осиёда тинчлик ва барқарорликни мустаҳкамлаш мақсадида янада фаолроқ ҳамкорликка эришилади.
Изоҳ (0)