Ўзбекистонда қўшилган қиймат солиғи (ҚҚС) ставкасини пасайтириш режалаштирилмоқда, шу билан бирга, ушбу солиқни тўловчилар доираси кенгайтирилади ва тақдим этиладиган имтиёзлар бекор қилинади. Бу ҳақда Ўзбекистон Президентининг 29 декабрдаги қарорида айтилади, ҳужжат билан мамлакат давлат бюджетининг асосий макроиқтисодий кўрсаткичлари ва параметрлари тасдиқланган, деб ёзади «Газета.uz».
ҚҚС ставкасини пасайтириш бўйича таклифлар Молия вазирлиги, Давлат солиқ қўмитаси, Давлат божхона қўмитаси ва Иқтисодиёт вазирлиги томонидан Президент ҳузуридаги Лойиҳа бошқаруви миллий агентлиги билан ҳамкорликда 1 июлгача тайёрланиши керак.
Давлат бюджетига ҚҚСдан тушадиган даромадлар 2018 йилда 22,019 триллион сўм ёки барча даромадлар (62,229 триллион сўм)нинг учдан бир қисмига тенг бўлиши прогноз қилинмоқда.
29 декабрдаги қарор билан, шунингдек, 2018 йилнинг 1 апрелидан шу жумладан, амалга оширилаётган лойиҳалар бўйича маҳаллийлаштириш дастурларига киритилган корхоналарга тақдим этилган имтиёзларни бекор қилиш ҳам кўзда тутилган.
Бундан ташқари, шу санадан юридик шахслар даромадларига солиқ, экспортчи корхоналарнинг ягона солиқ тўлови бўйича тақдим этилган имтиёзлар бекор қилинади.
Изоҳ (0)