1 январдан жисмоний шахслар мол-мулки солиғи кўчмас мулкнинг кадастр қийматидан келиб чиқиб ҳисобланади. Бу ҳақда Ўзбекистон Президентининг 29 декабрдаги қарорида айтилади, ҳужжат билан мамлакат давлат бюджетининг асосий макроиқтисодий кўрсаткичлари ва параметрлари тасдиқланган, деб ёзади «Газета.uz».
Бунгача солиқ ставкаси кўчмас мулк инвентар қийматининг 1,7 фоизини ташкил қиларди. Энди эса у кадастр қийматининг 0,2 фоизига тенг бўлади.
Солиқ юкламаси кескин ўсиб кетиши олдини олиш учун, қарорда солиқ суммаси 2017 йил учун ҳисобланган суммадан 20 фоиздан кўпроқ ошиб кетиши мумкин эмаслиги белгилаб қўйилди.
Солиқ солиш мақсадида кўчмас мулкнинг кадастр қийматини аниқлаш тартиби ҳукумат томонидан февралгача тасдиқланиши керак. Минимал қиймат 42 миллион сўм деб белгиланди (бунгача минимал инвентар қиймат 3 миллион сўм эди).
Изоҳ (0)