Исроилнинг Тель-Авив шаҳри марказида жойлашган Ицхак Рабин майдонида Lego кубларидан ясалган дунёдаги энг узун минора очилди, деб хабар беради Tjournal.
Унинг баландлиги 36 метрни ташкил этади. Бу эса ўтган йили Германияда ўрнатилган рекорд натижадан ярим метрга узунроқдир.
Минора қурилишига ярим миллионта пластмасса деталдан фойдаланилди. Уни қуриш учун бир сутка вақт сарфланди.
Маҳаллий мэрия ходимлари кўнгиллилар билан биргаликда икки ҳафтага яқин муддатда майда қисмлардан алоҳида блокларни йиғди. Сўнг улар бир-бирининг устига териб чиқилди.
Конструкция Lego ўйинчоғининг ишқибози бўлган ва 2014 йилда саратондан вафот этган саккиз ёшли Омер Сияг исмли бола шарафига «Омер минораси» деб номланди.
Изоҳ (0)