Сирдарё вилояти Ширин шаҳридаги 87 та объектга 284 та кузатув камералари ўрнатилди

Сирдарё вилояти Ширин шаҳри ҳудудида фуқароларнинг хавфсизлигини таъминлаш, жиноятчиликни олдини олиш ва содир этилган жиноятларни иссиқ изида фош этиш мақсадида 10 та 2 қаватли, 18 та 4 қаватли, 2 та 5 қаватли уйларга жами 68 та видео кузатув камералар ўрнатилди. Бу ҳақда «Дарё»га Сирдарё вилояти ИИБ матбуот хизмати хабар берди.

Шунингдек, шаҳардаги таълим муассасаларига жами 54 та, 46 та ташкилот, корхона, идора, маиший хизмат кўрсатиш жойларига жами 162 та видео кузатув камералари ўрнатилган.

Бугунги кунда Ширин шаҳри ҳудудидаги 87 та объектга ўрнатилган кузатув камералари сони 284 тани ташкил этади.

Хабарда қайд этилишича, кузатув камералар ўрнатилганидан сўнг содир этилган бир нечта жиноятлар иссиқ изида фош этилган.