27 декабрь куни Қозоғистон Парламенти Мажлиси раиси Нурлан Нигматуллин Ўзбекистон Олий Мажлис қонунчилик палатаси вице-спикери Борий Алихонов бошчилигидаги делегация билан учрашув ўтказди, деб ёзади «Казинформ».
Учрашувда Ўзбекистон делегацияси вакиллари Мажлис фаолияти билан таништирилди.
Томонлар парламентлараро гуруҳлар салоҳиятини ҳамкорлик масалаларида фаол қўллаш юзасидан фикр алмашди.
Нурлан Нигматуллин Ўзбекистон ҳукуматига Қозоғистоннинг БМТ хавфсизлик кенгашига аъзолиги ва Остона шаҳрида «Экспо-2017» кўргазмасини ўтказиш каби халқаро майдондаги ташаббусларини қўллаб-қувватлаётгани учун миннатдорчилик билдирди.
Мажлис спикери Қозоғистонда 2018 йилнинг «Ўзбекистон йили» деб эълон қилинишини икки томонлама муносабатларнинг ривожланишидаги муҳим ҳодиса эканлигини таъкидлади.
Ўзбекистон делегацияси ташриф давомида Қизил Ўрда ва Жанубий Қозоғистон вилоятларига ҳам бориши режалаштирилмоқда.
Изоҳ (0)