АҚШнинг Мичиган штатида яшовчи Терри Миллер бир ой давомида Amazon’дан буюртма қилинмаган ғалати жўнатмалар олди. Жўнатмаларда телефонлар учун аксессуарлар ва кийимлар учун қоплар бўлган. Бу ҳақда TJournal хабар берди.
Миллернинг сўзларига кўра, жўнатмаларда унинг аниқ манзили ва телефон рақами кўрсатилган. Жўнатмалар кела бошлагандан тўрт ҳафта ўтиб, у компанияга қўнғироқ қилган, бироқ унга ҳеч ким ёрдам бермаган. Amazon томонидан унинг ҳисобидан пул олинмаслиги ва жўнатмаларни уйида қолдириши кераклиги маълум қилинган. Жўнатувчи ҳақида ҳам маълумот олишга муваффақ бўлинмаган, шундан сўнг Миллер полицияга мурожаат қилган.
Миллер ўзи хоҳлаган ҳеч нарсани олмаганини айтган, ҳатто симсиз қулоқчинлар ҳам пуштирангда бўлган. Эркак аксессуарларни ташлаб юбориш ёки кимгадир совға қилишни кўзламоқда.
Изоҳ (0)