Россиянинг Великий Устюг шаҳрида яшовчи мамлакатнинг бош Қорбобоси 24 декабрь, якшанба куни биринчи марта Чеченистонга ташриф буюрди ва у ерда республика раҳбари Рамзан Қодиров билан учрашди. Бу ҳақда Қодиров ўз Telegram-каналида маълум қилди.
«Биз Қорбобо билан бутун дунёда тинчлик бўлсин ва сайёрадаги барча болалар бахтли бўлсин, дея бош тилагимизни тиладик. Онамнинг айтиб беришича, мен болалигимдаёқ шундай тилакни тилаган эканман. Ва ўшандан буён бу менинг асосий орзуйим», — деди Чеченистон раҳбари.
Шунингдек, Қодировнинг қайд этишича, Қорбобо унга иссиқ нимча ҳадя қилган ва яхшиликлар қилиш бўйича ўз ёрдамчиси унвонини берган. «27 декабрь куни Грознийнинг бош майдонида биз 52 метрли Янги йил арчасини ёқамиз», — деди Чеченистон раҳбари.
Изоҳ (0)