Американинг Пенсильвания штатида яшовчи Мэри Хоромански электр ҳақи учун 284 миллиард доллар тўлаш ҳақида ҳужжат олди, деб хабар беради Fox News телеканали.
Аёлнинг айтишича, у Penelec электр компанияси олдидаги «қарзи»дан хабар топиб, шок ҳолатига тушган. Business Insider ёзишича, гўёки аёл 2018 йил ноябригача тўлаши керак бўлган маблағ АҚШдаги энг йирик хусусий иш берувчи — Walmart’нинг бозор қийматидан ошади.
«Агар биз ўзимиздаги бор нарсаларни соцак, бу ҳисобни тўлаш учун яна 100 йилга яқин вақт керак бўлади», — дея вазиятни изоҳлади Хоромански.
Аёлнинг ўғли Penelec’га қўнғироқ қилгач, вазият ҳал бўлди. Компаниядагилар ҳисоб чиқариб беришда хатоликка йўл қўйилганини тан олди, хато тузатилгач, Хороманскининг қарзи 284 долларга тенг бўлди.
Изоҳ (0)