Шакли бош суягини эслатадиган 2015 TB-145 астероиди Ерга яқинлашмоқда. У сайёрага минимал даражада 2018 йилда яқин келади, деб ёзади «Корреспондент.net».
Астероиднинг катталиги 625 дан 700 метргача бўлиб, айланиш даври эса қарийб 3 соатни ташкил қилади. Шу билан бирга, унинг юзаси қуёш нурининг тахминан олти фоизинигина акс эттиради.
Осмон жисми Ерга 2018 йилнинг ноябрида яқин келади.
Астероиднинг Ерга яқинлашуви бундан аввал 2015 йилнинг октябрида юз берган. Осмон жисми сайёрадан Ердан Ойгача бўлган масофанинг бор-йўғи 1,3 баробарига тенг масофада учиб ўтган. Келаси йилда у бундан бироз узоқроқ масофада учиб ўтади.
Олимлар прогнозларига кўра, 2015 TB-145 астероидининг Ер билан кейинги яқинлашуви 2088 йилдагина юз беради.
Изоҳ (0)