Кеннесо университетининг икки нафар талабаси туғишган ака-ука бўлиб чиқди (видео)

Битта университетнинг икки талабаси ўзаро биологик ака-ука эканлиги маълум бўлди, улар бир-бирини узоқ йиллар давомида қидирган, деб хабар берди Forum Daily.

Кирон Грэм ёшлигидан ўзининг биологик онаси ва акасини қидирган, шу сабабли унинг ўгай онаси Киронга Аncestry’да (оила шажарасини тузиб, қариндошларини топишга мўлжалланган сайт) рўйхатдан ўта олиши учун ДНК-тестлари тўпламини берган.

Унинг биологик онаси Шоун Гант бўлиб чиқди, у уч ойлик ўғли Киронни бошқа оилага топшириш борасида қийин қарорни қабул қилишга мажбур бўлган. «Мен унга ўзи хоҳлаган нарсасини бера олмаслигимни ҳис қилгандим», — дея тан олади аёл.

Кирон ўз акасини Аncestry’нинг маълумотлар базаси орқали қидиришни бошлаган ва унинг генетик ўхшашлиги Винсент исмли боланики билан кўпроқ мос келган. Кейинроқ, Винсент Жоржиядаги Кеннесо университетида ўқиши маълум бўлган — айнан шу университетда Кирон ҳам таҳсил олади. Ҳатто уларнинг мутахассислиги ҳам бир хил.

Улар ўзларининг қариндош эканлигини бехабар битта бинода ўқиган.

Винсент ўз укасининг чақалоқликдаги ҳолатини эслашини айтди. «Мен унга бутилкача орқали овқат берганимни, тагликларини алмаштирганимни эслайман. Буларнинг барчаси бир лаҳзада миямда гавдаланди, чунки бу Кирон ҳақидаги сўнгги хотираларим эди», — деди Винсент.

Эндиликда ака-ука кўпроқ вақтини бирга ўтказишни режалаштирмоқда.