Жанубий Африкадаги Крюгер миллий боғига ташриф буюрган кишилар буқанинг ухлаб ётган шерга ҳужумини тасвирга олди. «РИА Новости» мазкур видеога эътибор қаратди.
Боғ йўлбошловчиси бу воқеага гувоҳ бўлган. У автомобилда буйволлар тўдаси ёнидан ўтиб кетаётганда яқин масофада ухлаб ётган урғочи шерни кўрган. Бир лаҳзадан сўнг йиртқични буқалардан бири кўриб қолган. Бир неча сониядан сўнг эса буқа шер томонга йўл олган.
Хавф яқинлашаётганини кўрган йиртқич ўрнидан туриб, қочишга ҳаракат қилган, бироқ унинг ҳолдан тойгани кўриниб турарди. Шернинг қаршилик кўрсата олмаслигини сезган буйвол унга ташланган ва шохлари билан ҳавога улоқтирган, кейин эса хавфсиз масофага чекинган.
Йўлбошловчининг тахмин қилишича, урғочи шер тўдадан қувилган ва бир ўзи муваффақиятли ов қила олмаган. Буйвол йиртқичга жиддий жароҳат етказмаган бўлса ҳам, унинг тақдири аянчли қолмоқда.
Изоҳ (0)