Италияда мафия билан боғлиқ дафн бюроси буюртмасига асосан беморларни ўлдиришда айбланган тез тиббий ёрдам санитари ҳибсга олинди. Бу ҳақда «РБК» хабар бермоқда.
Тергов Катания шаҳридан бўлган 42 ёшли Давиде Гарофало беморларга инъэксия қилиш чоғида ҳаво киритган деб ҳисобламоқда. Бунинг оқибатида одамлар артериялар бекилишидан ўлган.
Марҳумларнинг яқинлари саросимага тушганидан фойдаланиб, санитар Сицилия мафияси билан боғлиқ дафн бюроси хизматларини тиқиштирган. Ҳар бир марҳум учун Гарофало 300 евро олган.
Барча марҳумлар умидсиз касал, иккиси эса нуроний ёшда бўлгани учун уларнинг қазо қилгани шубҳа туғдирмаган. Санитар 2014—2016 йилларда амалга оширилган учта қотилликда айбланди, бироқ қурбонлар сони бундан кўп бўлиши мумкинлиги истисно этилмади.
Изоҳ (0)