Англия Премьер-Лигаси клублари мавсумнинг 17-тур беллашувларига якун ясади.
Мағлубиятсиз келаётган «Сити» Англияда, «Барселона» эса Испанияда рекорд ўрнатди
Дербида «Сити»га имкониятни бой берган «Юнайтед» эса ўз майдонида минимал ҳисобда зафар қучди. Ўтган тур антиқаҳрамони сифатида танилиб, «Сити»нинг ҳар икки голида билмай иштирок этиб қўйган Ромелу Лукаку, бу сафар жамоаси жонига оро кирди.
«Арсенал» ва «Ливерпуль» клублари мазкур турда гол ура олмай, 2 очкодан йўқотди. Улар ўтган турда ҳам дуранг ўйнаганди. «Арсенал» сафарда «Саутгемптон»ни таслим қила олмаган бўлса, ливерпуллик футболчилар дербида «Эвертон»дан устун бўла олмаганди.
Мазкур тур «Лестер» ва «Эвертон» клублари ўзига келаётганини кўрсатди. Клод Пюэль бошчилик қилаётган «Лестер» кетма-кет тўртинчи ғалабасини қўлга киритган бўлса, «Эвертон» Сэм Эллардайс бошқарувида мағлубиятсиз юришини давом эттира олди.
Мазкур турда осиёлик уч футболчи гол урди. Синдзи Оказаки ҳисобига 2 та гол ёзиб қўйган бўлса, Майа Ёшида ҳамда Сон Хён Мин 1 тадан гол урди. Бошқа бир кореялик Ки Сун Ён ҳаракат қиладиган «Суонси» эса тор-мор этилди.
АПЛ. «Бёрнли» навбатдаги ғалабаси билан «Ливерпуль», «Арсенал» ва «Тоттенҳэм»дан илгарилаб кетди
Англия Премьер-Лигаси 17-тур беллашувлари 13 декабрь, чоршанба«Суонси» — «Манчестер Сити» 0:4
Голлар: Давид Силва, 27 (0:1). Кевин де Брюйне, 34 (0:2). Давид Силва, 52 (0:3). Серхио Агуэро, 85 (0:4).«Саутгемптон» — «Лестер» 1:4
Голлар: Риёд Маҳрез, 11 (0:1). Синдзи Оказаки, 32 (0:2). Энди Кинг, 38 (0:3). Майа Ёшида, 61 (1:3). Синдзи Оказаки, 69 (1:4).«Ньюкасл» — «Эвертон» 0:1
Гол: Уэйн Руни, 27 (0:1).Четлатиш: Жонжо Шелви, 95+ (Н).«Манчестер Юнайтед» — «Борнмут» 1:0
Гол: Ромелу Лукаку, 25 (1:0).«Вест Ҳэм» — «Арсенал» 0:0
«Тоттенҳэм» — «Брайтон» 2:0
Голлар: Серж Орье, 40 (1:0). Сон Хён Мин, 88 (2:0).«Ливерпуль» — «Вест Бромвич» 0:0
Изоҳ (0)