Саудия Арабистони Маслаҳат кенгаши (Мажлис аш-Шўро) аёлларнинг судья бўлиб ишлашини тақиқловчи қонунга тузатишлар киритишни таклиф қилди. Бу ҳақда, Саудиянинг «Ажил» янгиликлар порталига асосланиб, «РИА Новости» хабар бермоқда.
Нашр манбаларининг маълум қилишича, таклиф суд тизими тўғрисидаги қонуннинг 31-моддасига тузатиш киритишни, шу йўл билан лавозимга тайинлаш чоғида «жинсий важ билан таҳқирлаш»ни бекор қилишга йўналтирилган.
Агар ушбу тузатиш қабул қилинадиган бўлса, олийгоҳларнинг ҳуқуқ, шариат ва ҳужжат алмашинуви факультетларини тамомлаган хотин-қизлар яқин вақт ичида умумий юрисдиксия судларида судья лавозимида ишлаши мумкин бўлади.
Саудия Арабистони подшоҳи 2017 йил октябрида мамлакат аёлларининг автомобиль ҳайдашига рухсат берувчи фармонни имзолаган эди. Бундан ташқари, 2018 йилдан бошлаб саудиялик аёллар мамлакат стадионларида ташкил этиладиган оммавий спорт тадбирларига ҳам ташриф буюришлари мумкин бўлади.
Изоҳ (0)