Япония мудофаа вазирлиги АҚШ ҳарбий қўмондонлигидан Окинава префектурасидаги мактаб майдонига CH-53 вертолёти бўлаги қулаши билан боғлиқ ҳодиса тафсилотларига ойдинлик киритмагунча уларнинг парвозини ман этишни талаб қилди. Бу ҳақда вазир Ицунори Онодера маълум қилди, дея хабар беради «ТАСС».
«Биз вертолётлардан фойдаланиш хавфсизлиги тасдиқланмагунча уларнинг парвозига тақиқ жорий этилишини талаб қиламиз», — деди Онодера.
Унинг ўринбосари Томохиро Ямамото ҳам АҚШнинг Япониядаги қуролли кучлари қўмондони Жерри Мартинес билан учрашувда шундай талабни илгари сурди.
Вертолёт иллюминатори Американинг Футэмма ҳарбий базасига туташ мактаб спорт майдончасига қулади. У ерда 30 га яқин бола ва ўқитувчи бўлган. Жабрланган бола иллюминатор қулаган жой яқинида бўлган ва чап қўлидан жароҳатланган.
Изоҳ (0)