Суриянинг Тартус порт-шаҳрида Россиянинг тўлақонли ҳарбий-денгиз базаси ташкил этилади. Бу ҳақда, Россия Ҳарбий-денгиз флоти Бош штаби собиқ бошлиғи адмирал Виктор Кравченкога асосланиб, «Интерфакс» хабар бермоқда.
«Бу Россия флотининг Ўртаер денгизидаги тезкор имкониятларини ва умуман Россиянинг Яқин Шарқдаги мавқеини оширади», — дейди Кравченко.
Унинг қайд этишича, бунгача Тартусда Россиянинг моддий-техник таъминот шохобчаси мавжуд эди, «бу бир кичик ҳудуд эди, уни кенгайтириш орқали ҳарбий-денгиз базаси ташкил этилади».
«База анча катта ҳудудни ўз ичига олади, унда барча турдаги муҳофаза ва мудофаа кўринишлари бўлади, унга исталган кема — ҳатто биринчи рангга оид крейсерлар ҳам кира олади. Улар ўз захираларини тўлдириш, шахсий таркиб эса ҳордиқ чиқариш имконига эга бўлади», — дейди Кравченко.
«Интерфакс»нинг қайд этишича, Россия президенти Владимир Путин 13 декабрь, чоршанба куни Россия парламентига Тартусдаги Россия ҳарбий-денгиз флотининг моддий-техник таъминот шохобчаси ҳудудини кенгайтириш тўғрисидаги Сурия—Россия битимини ратификация қилиш тўғрисида тақдимнома киритан.
Изоҳ (0)