Испания ҳуқуқ-тартибот идоралари ва божхона хизмати Валенсия портидаги кемалардан бирида наркотикларнинг йирик туркуми — 520 килограмм кокаин топди. Бу ҳақда мамлакат ички ишлар вазири Хуан Игнасио Соидо маълум қилди, деб хабар беради «РИА Новости».
Наркотиклар Лонг-Бичдан (Калифорния, АҚШ) бодом олиб келган ва Испанияга қадар Лотин Америкасининг қатор давлатларида тўхтаб ўтган юк кемаси контейнерида бўлган.
Текширув бир йилга яқин вақт олди, операция чоғи портдаги 800 контейнер кўздан кечирилди.
Бу охирги 15 кун ичидаги учинчи муваффақиятли операция бўлиб, олдинроқ Альхесирасда 6 тонна кокаин, Барселонада 331 килограмм героин аниқланганди.
Изоҳ (0)