Амирликларда ўтаётган футбол бўйича клублар ўртасидаги Жаҳон Чемпионатида биринчи финалчи номи аниқ бўлди.
Бу йўлда Либертадорес Кубоги ғолиби ҳисобланган Бразилиянинг «Гремио» клуби «Пачука» устидан муваффақият қозонди. Ўйин асосий вақтида ҳисоб очилмади. 15 дақиқадан белгиланган икки қўшимча таймнинг биринчисида бразилиялик футболчилар кейинчалик ягона бўлиб қолган голни уришга эришди.
CONCACAF етакчиси сифатида Жаҳон Чемпионатига етиб келган Мексиканинг «Пачука» клуби чорак финалда ҳам 120 дақиқа ўйнашга мажбур бўлиб, худди шундай ягона гол сабаб Африка қитъаси етакчиси ҳисобланган Марокашнинг «Видад Касабланка» клубини турнирдан чиқариб юборганди. «Гремио» эса мундиалга айнан ярим финал босқичидан қўшилганди.
Сардор Рашидов тўп сурадиган «Ал-Жазира» Мадриднинг «Реал» клуби билан ўйнаш ҳуқуқини қўлга киритди
Бугун — 13 декабрь куни Тошкент вақти билан 22:00 да ярим финалнинг иккинчи ўйини бўлиб ўтади ва унда «Ал-Жазира» Европа Чемпионлар Лигасининг ғолиби сифатида БААга етиб келган «Реал» синовидан ўтади. Мадридликлар ҳам мусобақага «Гремио» каби ярим финалдан бошлаб қўшилмоқда.Ўзбекистонлик футболчи Сардор Рашидов ҳаракат қиладиган «Ал-Жазира» БАА чемпиони сифатида мундиалда иштирок этмоқда. Клуб ярим финалга қадар Янги Зеландиянинг «Окленд Сити» ҳамда Япониянинг «Урава Ред» клубларини бир хилда — 1:0 ҳисобларида таслим қилишга эришди. Мазкур икки беллашувда Рашидов майдонга туширилмади.
«Ал-Жазира» — «Реал Мадрид» ўйини Futbol-TV телеканалида жонли намойиш этилади.
Жаҳон Чемпионати Ярим финал 12 декабрь, сешанба
«Гремио» (Бразилия) — «Пачука» (Мексика) 1:0
Гол: Эвертон, 95 (1:0).13 декабрь, чоршанба«Ал-Жазира» (БАА) — «Реал Мадрид» (Испания) 22:00 Futbol-TV