Эрон пойтахтида туғилган кун нишонланаётган чоғда ёнғин рўй берди. Бу ҳақда Daily Mail маълум қилди.
Ўзининг 20 ёшга тўлганини дўстлари билан нишонлаётган қиз шамлар ёниб турган стол ортида ўтирганди. Танишларидан кимдир кўпикли баллончаларни келтирди ва унинг ичидагиларни атрофдагиларга пуркай бошлади.
Бунинг оқибатида қиз ва унинг қўлида торт бўлган дугонаси кийимлари, сочлари аланга олди. Жабрдийдаларнинг дўстлари оловни ўчиришда ёрдам беришга шошилди.
Нашрга кўра, торт кўтарган қиз жиддий куйган. Туғилган кун соҳибасининг ҳолати ҳақида маълум қилинмади.