Киевда Одесса вилоятининг собиқ губернатори Михаил Саакашвили қўлга олинди. Бу ҳақда Украина бош прокурори Юрий Луценко маълум қилди, дея хабар беради «РИА Новости».
«Миллий полиция ходимлари қидирув ҳақидаги қарорга мувофиқ Саакашвили Киев шаҳрининг Отрадной кўчасида эканлигини аниқлади ва қўлга олди. У вақтинчалик тутиб туриш ҳибсхонасига жойлаштирилди», — дея ёзув қолдирди Луценко Facebook’даги саҳифасида.
Грузиянинг собиқ етакчиси терговчига етказилди, қўлга олиш чоғида ҳеч ким жабрланмади.
Саакашвилининг адвокати Павел Богомазовга кўра, суд 72 соат мобайнида сиёсатчига қандай эҳтиёт чораси қўллаш ҳақида қарор қабул қилади.
Изоҳ (0)