Россия ва Туркия президентлари АҚШнинг Қуддусни Исроил пойтахти сифатида тан олиш қароридан ташвиш билдирди. Бу ҳақда Кремль Владимир Путин ва Ражаб Тоййиб Эрдўғоннинг телефон орқали мулоқоти якуни бўйича маълум қилди, дея хабар беради «Вести.ru».
Томонлар бундай қарор Яқин Шарқда кескинликни бартараф этиш истиқболларини пучга чиқаришини таъкидлади. Президентлар Фаластин ва Исроил ўртасида музокаралар тикланиши учун ҳаракат қилишга келишиб олди.
Эрдўғон 13 декабрь куни Истанбулда Ислом ҳамкорлиги ташкилотининг фавқулодда саммити бўлиб ўтишини маълум қилди.
Туркия пойтахтида 7 декабрь, пайшанба куни кечки пайт АҚШ элчихонаси олдида юзлаб киши тўпланди. Анқарадаги норозилик акцияси бир неча соат давом этди.
Изоҳ (0)