АҚШ суди Volkswagen концерни менежери Оливер Шмидтни автомобилларга зарарли ташланмалар кўрсаткичларини пасайтирувчи дастурий таъминот ўрнатилишида иштирок этгани учун 7 йилга озодликдан маҳрум этди. Бу ҳақда «РИА Новости» хабар бермоқда.
Детройт округ суди Шмидтга 400 минг доллар миқдорида жарима тўлаш мажбуриятини ҳам юклади.
Судья Шон Кокс Шмидт жиноий тил бириктирувда асосий роллардан бирини ўйнаган деб ҳисобламоқда. Айбловга кўра, у мансаб пиллапояларидан илгарилаш учун қонун бузилишларидан кўз юмган.
Концерннинг АҚШда норматив талабларга риоя этиш масалалари бўйича бўлимини бошқарган Оливер Шмидт жорий йил январь ойи бошида Флорида штатида ФҚБ ходимлари томонидан қўлга олинганди.
Суд унга жиноий тил бириктирув ва фирибгарликда айблов эълон қилди. Августда Шмидт айбини тан олди.
Изоҳ (0)