General Motors’нинг Мичигандаги полигони яқинида жойлашган Брайтон Тауншип шаҳрининг олти нафар фуқароси автоконцернни судга берди. Улар автомобиль ишлаб чиқарувчиларни окрукдаги ер ости сувларини ифлослантиришда, бунинг оқибатида эса одамларнинг соғлиғида муаммо туғилганлиги борасида айблаган. Бу ҳақда Automotive News’га таяниб, «Мотор» хабар берди.
22 саҳифалик шикоятда автомобиль ишлаб чиқарувчилар ўз полигонида йўлга мўлжалланган туз ва кальций хлориддан фойдаланиши ёзилган. Улар эса тупроққа тушиб окрукдаги сувларни ифлослайди. Шикоятчилардан бири — Эллeн Мурнинг маълум қилишича, ифлосланиш оқибатида унда буйрак стенози ва гипертония аниқланган.
Бундан ташқари, шикоятчилар ер ости сувларининг ифлосланиши ўзларининг уйларидаги қувурларни зарарланишига олиб келганини айтган. Мур ўзининг уйидаги қувурларни таъмирлашга 10 минг доллар сарфлаган.
Шикоятчилар уйларини таъмирлаш ва ундан кейин пайдо бўладиган чиқиндиларни тозалаш учун автомобиль ишлаб чиқарувчи компаниядан ҳар бири 25 минг доллардан ортиқроқ маблағ ундириш ниятида.
General Motors уларнинг талабини асоссиз деб топди. Компаниянинг маълум қилишича, сўнгги 20 йил ичида полигонларда ишлатиладиган туз 60 фоизга қисқарган. Шу билан бирга, Брайтон Тауншипнинг умумий йўлларида ҳам шу турдаги тузлар ишлатилади.
Изоҳ (0)