AQSh sudi Volkswagen konserni menejeri Oliver Shmidtni avtomobillarga zararli tashlanmalar ko‘rsatkichlarini pasaytiruvchi dasturiy ta’minot o‘rnatilishida ishtirok etgani uchun 7 yilga ozodlikdan mahrum etdi. Bu haqda “RIA Novosti” xabar bermoqda.
Detroyt okrug sudi Shmidtga 400 ming dollar miqdorida jarima to‘lash majburiyatini ham yukladi.
Sudya Shon Koks Shmidt jinoiy til biriktiruvda asosiy rollardan birini o‘ynagan deb hisoblamoqda. Ayblovga ko‘ra, u mansab pillapoyalaridan ilgarilash uchun qonun buzilishlaridan ko‘z yumgan.
Konsernning AQShda normativ talablarga rioya etish masalalari bo‘yicha bo‘limini boshqargan Oliver Shmidt joriy yil yanvar oyi boshida Florida shtatida FQB xodimlari tomonidan qo‘lga olingandi.
Sud unga jinoiy til biriktiruv va firibgarlikda ayblov e’lon qildi. Avgustda Shmidt aybini tan oldi.
Izoh (0)