Lamborghini ўз тарихидаги биринчи серияли кроссоверни тақдим этди (фото)

Lamborghini компанияси Urus кроссоверининг серияли вариантини тақдим этди. Bentley Bentayga’дан ҳам кучлироқ дея таърифланган авомобилнинг премьераси Сант-Агата-Болоньезадаги махсус тадбирда бўлиб ўтди, деб хабар берди Autonews.

Lamborghini Urus’нинг узунлиги 5112 миллиметрга, эни 2016 миллиметрга, баландлиги эса 1638 миллиметрга тенг. Ғилдирак базасининг ўлчамларига 3003 миллиметрни ташкил этади. Юкхона бўлмасининг сиғими 616 литрга тенг бўлиб, орқа ўриндиқлар олиб ташланса у 1596 литргача кенгая олади.

2200 килограмм оғирликка тенг кроссовер 650 от кучига эга тўрт литрли бензин агрегатли V8 двигатели билан жиҳозланган. Шундай қилиб, Urus Lamborghini маркасининг тарихидаги биринчи серияли автомобилга айланди.

Lamborghini Urus 100 километр/соат тезликка 3,6 сонияда чиқа олади, максимал тезлиги эса соатига 305 километрни ташкил этади.

Lamborghini Urus’нинг ҳайдовчиси автомобилни олтита режимда бошқариши мумкин: Stradа («Шоссе»), Sport («Спорт»), Corsa («Пойга»), Sabbio («Қум»), Теrra («Тупроқ») ҳамда Nevе («Қор»).

Кроссовер тўлиқ рақамли панел қурилма ва мультимедиa комплекси билан жиҳозланган. Улар иккита катта сенсорли дисплей орқали бошқарилади. Юқори дисплей мультимедиa комплексини, пасткиси эса кондиционер ва бошқа функцияларни бошқаришга мўлжалланган. Бир қатор функцияларни овоз ёрдамида ҳам бошқариш мумкин.