Наманган шаҳридаги «Баркамол авлод» болалар марказида «Диний экстремизм ва терроризмнинг мудҳиш қиёфаси» деб номланган кўчма фотокўргазма ташкил этилди. Бу ҳақда ЎзА хабар бермоқда.
«Тасвирий ойина» ижодий уюшмаси томонидан ташкил этилган фотокўргазмада вилоят ҳокимлиги, ҳуқуқ-тартибот идоралари вакиллари, таълим муассасалари раҳбарлари, педагоглар ва ёшлар иштирок этди.
Тадбирда ёш авлод онгу қалбини турли иллатлардан асраш, уларни миллий ва умуминсоний қадриятларга ҳурмат руҳида тарбиялаш долзарб аҳамият касб этаётгани таъкидланди.
Кўргазмадан жой олган фотоасарлар барчани турли ёт ғоялар таъсиридан огоҳ бўлишга чорлайди.
Изоҳ (0)