Кариб денгизидаги Сент-Винсент ва Гренадин ороллари таркибидаги Юнион-Айленд курорт оролининг бир қисми 600 биткоин (7 миллион доллар) эвазига сотувга қўйилди. Бу ҳақда Insider Pro хабар бермоқда.
«Қонли кўрфаз» деб аталувчи пляж майдони 5,2 гектарни ташкил этади.
Шунингдек, тўғридан-тўғри сувга элтувчи ва оқ қумли пляждан иборат қурилиши якунланмаган ер участкаси ҳам сотувга қўйилган.
Бундан ташқари, Лондоннинг Seth Stein Architects компанияси томонидан ишлаб чиқилган бир оилага мўлжалланган уй плани ҳам таклиф этилмоқда.
Эълонда криптовалютадаги нарх вақтинча белгилангани қайд этилган. «Биз янги валютага эски дунё тарихи ва анъаналарида ўз ўрнини топиши учун имконият берамиз», — дейилади эълонда.
Юнион-Айленд аҳолиси 3000 кишидан иборат. У билан ёндош ҳудудда бир нечта хусусий ороллар жойлашган.
Изоҳ (0)