Қуддус биргаликда яшаладиган ўлка ва барча учун бағрикенглик тимсоли бўлиб қолиши керак. Бу ҳақда Марокаш қироли Муҳаммад VI АҚШ президенти Дональд Трампга йўллаган мактубида айтиб ўтди, деб ёзади «ТАСС». Муҳаммад VI Ислом ҳамкорлик ташкилоти ҳузуридаги Қуддус бўйича қўмита раисидир.
Хатда қирол «араб-мусулмон халқлари ва мамлакатлари Америка маъмуриятининг Қуддусни Исроил пойтахти деб тан олиш ва у ерга АҚШ эчихонасини кўчириш нияти ҳақида қайта-қайта тарқалаётган маълумотлар муносабати билан бошидан кечирадиган безовталик ва катта хавотир»ни шахсан изҳор этди.
Марокаш қироли Қуддус нафақат низо томонлари, балки учала динга эътиқод қилувчилар учун ҳам алоҳида аҳамиятга эга эканлигини таъкидлаб, кўп асрлик тарихий хусусиятлари ва улкан сиёсий маъноси туфайли биргаликда яшаладиган ўлка ва барча учун бағрикенглик тимсоли бўлиб қолиши кераклигини қайд этди.
«АҚШ тинчлик жараёнининг асосий ҳомийларидан бири бўлгани ва барча томонларнинг ишончини қозонганини ҳисобга олганда, бу қадам Фаластин-Исроил низосини тартибга солиш истиқболларига салбий таъсир ўтказиши мумкин», — дейилади мактубда.
Изоҳ (0)