Karib dengizidagi Sent-Vinsent va Grenadin orollari tarkibidagi Yunion-Aylend kurort orolining bir qismi 600 bitkoin (7 million dollar) evaziga sotuvga qo‘yildi. Bu haqda Insider Pro xabar bermoqda.
“Qonli ko‘rfaz” deb ataluvchi plyaj maydoni 5,2 gektarni tashkil etadi.
Shuningdek, to‘g‘ridan-to‘g‘ri suvga eltuvchi va oq qumli plyajdan iborat qurilishi yakunlanmagan yer uchastkasi ham sotuvga qo‘yilgan.
Bundan tashqari, Londonning Seth Stein Architects kompaniyasi tomonidan ishlab chiqilgan bir oilaga mo‘ljallangan uy plani ham taklif etilmoqda.
E’londa kriptovalyutadagi narx vaqtincha belgilangani qayd etilgan. “Biz yangi valyutaga eski dunyo tarixi va an’analarida o‘z o‘rnini topishi uchun imkoniyat beramiz”, — deyiladi e’londa.
Yunion-Aylend aholisi 3000 kishidan iborat. U bilan yondosh hududda bir nechta xususiy orollar joylashgan.
Izoh (0)