Бангладеш расмийлари Мьянмадан қочган рохинжалардан 100 мингга яқинини Бенгал кўрфазидаги кимсасиз Тенгар Чар оролига жойлаштириш режасини маъқуллади. Бу ҳақда CNN маълум қилди, дея хабар беради «Корреспондент.net».
Мазкур режа мамлакат ҳукуматига 278 миллион долларга тушади ва 2019 йил ноябрига қадар амалга оширилиши лозим.
Бунинг учун расмийлар ҳозирда кимсасиз ҳисобланадиган оролни яқин орада ободонлаштиришга киришишни ваъда қилмоқда. Жумладан, Тенгар Чарда 1,5 мингга яқин барак ва 120 та қочқинлар маркази қурилиши мўлжалланган.
Ўз навбатида, халқаро ҳуқуқ ҳимоячилари ташкилотлари қочқинларни кўчириш режасини танқид қилди. Улар Тенгар Чар мунатазам равишда тошқинларга дуч келишини таъкидламоқда.
Изоҳ (0)