Bangladesh 100 mingga yaqin roxinja qochqinini kimsasiz orolda joylashtirishni rejalashtirmoqda

Bangladesh rasmiylari Myanmadan qochgan roxinjalardan 100 mingga yaqinini Bengal ko‘rfazidagi kimsasiz Tengar Char oroliga joylashtirish rejasini ma’qulladi. Bu haqda CNN ma’lum qildi, deya xabar beradi  “Korrespondent.net”. 

Mazkur reja mamlakat hukumatiga 278 million dollarga tushadi va 2019-yil noyabriga qadar amalga oshirilishi lozim. 

Buning uchun rasmiylar hozirda kimsasiz hisoblanadigan orolni yaqin orada obodonlashtirishga kirishishni va’da qilmoqda. Jumladan, Tengar Charda 1,5 mingga yaqin barak va 120 ta qochqinlar markazi qurilishi mo‘ljallangan. 

O‘z navbatida, xalqaro huquq himoyachilari tashkilotlari qochqinlarni ko‘chirish rejasini tanqid qildi. Ular Tengar Char munatazam ravishda toshqinlarga duch kelishini ta’kidlamoqda.