АҚШ Евроиттифоқ билан биргаликда Эрон расмийлари ўзлари гумон қилинаётган ҳолатларга жавобгар бўлиши учун чоралар кўради. Бу ҳақда АҚШ Давлат котиби Рекс Тиллерсон Евроиттифоқнинг хорижий ишлар бўйича коммисари Федерика Могерини билан учрашувдан сўнг маълум қилди, дея хабар беради «ТАСС».
«Эрон ядровий келишувларни тўлиқ бажаришини кафолатлаш юзасидан умумий ҳаракатларимизни муҳокама қилдик. Шунингдек, Эрон минтақадаги беқарорлаштирувчи ҳолатлар туркуми учун жавобгар эканлигини кўриб турибмиз», — деди Тиллерсон.
Давлат котиби Теҳрон қўллаб-қувватлаётган Яман хусийлари Саудияга баллистик ракета учиргани, Эрон Сурияга қурол-яроғ ва жангариларни етказиб бераётгани, «Ҳизбуллоҳ» ташкилотига кўмак бераётганини қайд этди. Бу ҳаракатлар жавобсиз қолмаслиги ва ушбу йўналишда чоралар кўрилишини билдирди.
Изоҳ (0)