AQSh Eronning mintaqani beqarorlashtirishga qaratilgan harakatlari javobsiz qolmasligini bildirdi

AQSh Yevroittifoq bilan birgalikda Eron rasmiylari o‘zlari gumon qilinayotgan holatlarga javobgar bo‘lishi uchun choralar ko‘radi. Bu haqda AQSh Davlat kotibi Reks Tillerson Yevroittifoqning xorijiy ishlar bo‘yicha kommisari Federika Mogerini bilan uchrashuvdan so‘ng ma’lum qildi, deya xabar beradi “TASS”.

“Eron yadroviy kelishuvlarni to‘liq bajarishini kafolatlash yuzasidan umumiy harakatlarimizni muhokama qildik. Shuningdek, Eron mintaqadagi beqarorlashtiruvchi holatlar turkumi uchun javobgar ekanligini ko‘rib turibmiz”, — dedi Tillerson.

Davlat kotibi Tehron qo‘llab-quvvatlayotgan Yaman xusiylari Saudiyaga ballistik raketa uchirgani, Eron Suriyaga qurol-yarog‘ va jangarilarni yetkazib berayotgani, “Hizbulloh” tashkilotiga ko‘mak berayotganini qayd etdi. Bu harakatlar javobsiz qolmasligi va ushbu yo‘nalishda choralar ko‘rilishini bildirdi.