Испания расмийлари Алхесирас шаҳрида салкам 6 тонна кокаинни мусодара қилди. Бу ҳақда мамлакат ички ишлар вазири Хуан Игнасио Зоидо маълум қилди, деб хабар беради «РИА Новости».
«Испания фуқаро гвардияси Алхесирасда 5,9 тонна кокаинни назоратга олди. Унинг бозор қиймати 210 миллион еврони (250 миллион доллар) ташкил этади. Кокаин Колумбиядан келирилган бананлар контейнерида жойлаштирилганди», — деди Зоидо.
3 киши, жумладан, ушбу юкни ташиш билан шуғулланган импортчи компания вакили қўлга олинди.
EFE агентлигига кўра, мусодара этилган кокаин 1999 йилдан бери ушланган иккинчи йирик туркум бўлди. Ўшанда расмийлар мазкур наркотикнинг 6 тоннасини тутиб қолганди.
Изоҳ (0)